مأساة زواج القاصرات أمام محكمة الأسرة.. طفلة 14 سنة تكشف ما لا يُحتمل

"كنت عيلة بنت 14 سنة، جوزوني لراجل عنده 50 سنة، بعقد عرفي، منعوني من المدرسة، لما رفضت الجواز، بكيت وصرخت ومحدش سمعني"، بتلك الكلمات وقفت الزوجة "هـ.أ" أمام محمة الأسرة بروض الفرج لتبرر إقامتها دعوى الخلع رقم 3054 لسنة 2026.

تزوجت بعقد عرفي وأنا مش فاهمة حاجة

وتابعت الزوجة أمام محكمة الأسرة، أن الزوج أغرى والدها بمبلغ كبير مهرها ، مقابل أن يظفر بها ويتزوجها، ليقرر الأب إغراؤها وهي طفلة لا تفهم معنى حديثهم، متابعة: " اتجوزت وهو دفع مهر لأبويا 50 ألف جنيه، وقالولي هيعملولي فرح ويجيبولي هدوم جديدة، ولعب كتير، وقتها وافقت ومكنتش عارفة إيه اللي بيحصل".

حجيم ليلة الدخلة

وتابعت الزوجة في دعوى الخلع التي أقامتها أمام محكمة الأسرة، أنها رأت العذاب منذ أول ليلة جمعتها بذاك الزوج، فابنة الـ14 عاما، مقابل رجل يبلغ 50 عاما، وهي لا تدري ماذا يعني الزواج، بالمقابل رجل يريد أن يرضي غروره، متابعة: «أول ما دخلت البيت اكتشفت العذاب اللي كنت داخلة عليه، في ليلة الفرح نفسه اتعامل معي بعنف ووحشية، كل ده علشان يرضي نفسه، وكل يوم نفس الحكاية، مش بيهمه صراخي ولا بكايا".

وأوضحت أمام محكمة الأسرة: "طول اليوم بخدم حماتي وإخوات جوزي، وهم مش بيقصروا في تعذيبي، وبعدين ييجي هو يكمل المشوار بالليل، ولما أشتكي يضربني، وأنا في سني زمايلي لسه بيلعبوا في الشارع وأنا شايلة هم البيت كله".

العودة لبيت الأب

وذكرت الزوجة في دعوى الخلع أمام محكمة الأسرة، أن والديها عندما رأوها عنفوها، واعتدوا عليها بالضرب، ثم طردوها لمنزل زوجها دون أي شفقة أو رحمة: "هربت لبيت والدي، لكنه زعق هو وأمي وقالولي لازم تصبري، أصغر منك ومعاهم أطفال، رجعت له وهو مش فارق معاه فير علاقة السرير، واستمرت معاناتي 8 شهور".

وأضافت الزوجة أمام محكمة الأسرة، أنها قررت اللجوء لمنزل والديها بعد أن أتمت السن القانوني، مطالبة بحقها في الطلاق، بعدما تزوج امرأة أخرى غيرها، مؤكدة: «بعدها جوزي اتجوز مرة تانية، واحدة حامل، وأنا كنت مضطرة أعيش معاه عشان مفيش حل، ولما تميت السن القانوني، رجعت لبيت أهلي وطلبت حقي، لكن رفض وأكد إن العقد العرفي مش قانوني، فاضطريت ألجأ لمحكمة الأسرة».

اللجوء لمحكمة الأسرة لإنصاف الطفلة

وأكملت هناء في دعوى الخلع التي أقامتها ضد زوجها، أمام محكمة الأسرة: "قررت أروح محكمة الأسرة عشان أجيب حقي اللي أهلي والعادات والتقاليد أهدرّوه، عشان أي بنت تانيه متعانيش زيي وما تتجوزش وهي لسه طفلة".